Emmanuelle Arsan
.jpg)
| |
|---|---|
| Moted: | Marayat Bibidh, มารยาท พิพิธ 19 yanul 1932 Bangkok |
| Deadam: | 12 yunul 2005 Chantelouve[*] |
| Deadamakod: | cholangiocarcinoma[*] |
| Cal(s): | jilautan[*], jidramatan[*], jilibrätan[*], jivogädijonan[*], filmotirejidan[*] |
| Tatät(s): | Fransän, Tayän |
| Matan(s): | Louis-Jacques Rollet-Andriane[*] |
Jiel Emmanuelle Arsan (1932 yanul 19 in Bangkok, Tayän - 2005 yunul 12 in Chantelouve; nem rigik Marayat Rollet-Andriane, pämotöl as Marayat Bibidh) äbinof lautan Fransänik licina Tayänik, kel äfamikof in vol valik sekü lekonedasökod lerotik ofik: Emmanuelle e biomagodems de on dekömöls.
As Marayat Bibidh pämotof in Bangkok. Bäldotü yels 16 ämatikof ko hiel Louis-Jacques Rollet-Andriane: dipan Fransänik lä UNESCO.
Buks balid tel sökoda: Emmanuelle päpübons ün 1959 e 1960 fa dabükan Fransänik Eric Losfeld in Paris, kel kodü sänsur notidik ettimik no äkanom pämütom ad pübön onis klänediko. Lekoneds at älabons benoseki legretik, do ettimo no ädalons pareklamön. Ün 1967 e 1968 dabükot calöfik äpubon, kel päsökon fa lekoneds votik sökoda ed i fa buks votik jilautana. Biomagodems pemeköl sis degyel 1970 fino äsevädükons ofi.
Ön nem: Marayat Andriane älabof rouli smalik in biomagodem The Sand Pebbles (Stonils sabik, 1966), ed ün 1967 in näijenot tiädü Turn of a Card (Kadatul) televidasökoda Lamerikänik The Big Valley (Fälid Gretik). Ün 1975 ädilekof biomagodemi stabü lekoned okik: Laure, pö kel älabof i rouli jiela Myrta.
Saitots
[redakön • redakön fonäti]- „Lelöf laidüpik kanon dulön dü neit te bal, bi laidüp no binon utos, kelos koedon dulön, ab utos, kelos finidon duli.“ (Se Emmanuelle IV.)
- „Jalud binon pro tikäl e ladäl utos, kelos binon kanser pro koap.“ (Se Emmanuelle IV.)
- „Lerot: levikod drima love nat, binon sefädaspadül löpik poedalana, bi noon nemögikosi.“ (Se Emmanuelle.)
Lautots (dabükots rigik)
[redakön • redakön fonäti]- Emmanuelle – Eric Losfeld (klandestine Ausgabe), 308 S. 1959.
- Emmanuelle L'Anti-vierge – Eric Losfeld (klandestine Ausgabe), 356 S. 1960.
- Emmanuelle Livre 1 – La leçon d'homme - Paris, Eric Losfeld, Le Terrain Vague, 232 S. 1967.
- Emmanuelle Livre 2 – L'anti-vierge – Paris, Eric Losfeld, Le Terrain Vague, 296 S. 1968.
- Epître à Paul VI (Lettre ouverte au pape, sur la pilule) - Paris, Eric Losfeld, 1968.
- Emmanuelle Livre 3 – Nouvelles de l'érosphère – Paris, Eric Losfeld, Le Terrain Vague, pads 215. 1969.
- Dessins érotiques de Bertrand vol. 1- Pistils ou étamines, une liesse promise - Paris, Eric Losfeld, 1969.
- Dessins érotiques de Bertrand vol. 2 - Paris, Eric Losfeld, 1971.
- Mon "Emmanuelle", leur pape, et mon Eros – Paris, Christian Bourgeois, pads 219. 1974.
- Emmanuelle Livre 4 - L'hypothèse d'Eros – Paris, Filipacchi, pads 287. 1974.
- Emmanuelle Livre 5 - Les enfants d'Emmanuelle – Paris, Opta, pads 317. 1975.
- Laure – Paris, Pierre Belfond, pads 312. 1976.
- Néa – Paris, Opta, pads 264. 1976.
- Toute Emmanuelle - Paris, Pierre Belfond, pads 224. 1978.
- Vanna – Paris, Pierre Belfond, pads 315. 1979.
- Emmanuelle à Rome - Toulouse, Livre d'Oc, pads 280. 1979.
- Une nuit (Sainte louve) - Paris, Pierre Belfond, pads 352. 1983.
- Les soleils d'Emmanuelle - Paris, Pierre Belfond, pads 264. 1988.
- Emmanuelle – Paris, Robert Lafond, 1988. (Fomam fifümik.)
- Les Débuts dans la vie - Paris, Le Grand Livre du mois, pads 191. 1989.
- Valadié - Paris, Editions Lignes, pads 190. 1989.
- Chargée de mission - Paris, Pierre Belfond, pads 201. 1991.
- Bonheur - Les Cahiers de l'Egaré, pads 91. 1993.
- Aurélie - Paris, Pierre Belfond, pads 213. 1994.
- La siamoise nue - Paris, Le Cercle, pads 552. 2003.
Yüms plödik
[redakön • redakön fonäti]In Fransänapük:
- Bevüresodapadem tefü el Emmanuelle Arsan e vobots ofik (sa fotografots lerotik ofa).
In Linglänapük:
- Pad dö el Emmanuelle Arsan lä el Internet Movie Database.